反孔戰

A最美白
Jipy Pore Smooth UV Base SPF16 PA++$180 city'super
賣點：透過反光微粒子，視覺上改善毛孔粗大問題，皮膚更見平滑，另加入有補濕作用的水果精華。
推介原因：「我屬於敏感皮膚，市面上大部份底霜都加入礦物油成份，我用完好易起粒粒，但呢支成份天然，而且偏淡肉色，好夾我的雪白膚色。」
質感：質感較乾身，偏乾皮膚不適用。
效果：帶幻彩的粒子，均勻推開後膚色即時亮白。
遮毛孔指數：★★★


B最補濕
Kiss Me Skin Imitation SPF22 PA++$88 city'super
賣點：含透明質酸及金縷梅等補濕及緊緻成份，亦加入防汗配方，不怕面泛油光。
推介原因：「有次度假返港，因為成個星期冇做深層清潔同磨砂，搞到毛孔又粗又大，就係呢支毛孔修飾霜救咗我。質地唔乾，又有控油效果，每日上妝前先用佢填平毛孔，用咗佢，同事仲讚我皮膚好咗。」
質感：帶點肉色，質感較薄，幾易推。
效果：無論鼻上或鼻翼側的毛孔也不覺眼。
遮毛孔指數：★★★★



C最抵用
Lavshuca Makeup Base Pore Concealing SPF24 PA++$78
賣點：含有透明質酸及蘆薈等成份，收毛孔之餘仲有補濕同消炎作用。
推介原因：「備收毛孔、防曬及均勻膚色的功效，質感很滑，絕對不比其他大牌的底霜同粉底遜色，而且滋潤得來皮膚不易出油。」
質感：質地好似 cream咁滑，好易推開。
效果：幾乎遮蓋了所有毛孔，而且較啞色，看上去很滑。
遮毛孔指數：★★★★★



D最自然
Canmake Bright Up Base SPF15 PA++$104 city'super
賣點：含七葉草、牡丹、絲瓜及蘆薈葉精華，能均勻膚色、收細毛孔，還有補濕作用。
推介原因：「平時出街懶化妝，用佢薄薄塗一層便可均勻膚色，當中的反光粒子可填平毛孔和細紋，再掃層碎粉，就連鼻頭毛孔都唔見晒。」
質感：帶粉紅色的乳液，質感頗杰，要好有技巧地推開，用手指慢慢印開效果最平滑。
效果：皮膚帶有光澤，毛孔亦收細了，效果自然。
遮毛孔指數：★★★★



D最吸油
Sana Pore Putty Clear Makeup Base$80 city'super
賣點：成份加入透光膠質蜜粉及美容液，遮蓋毛孔之餘，還可持久滋潤皮膚。
推介原因：「我本身係油性皮膚，所以好少化厚妝，夏天會單塗上呢支 base再掃上碎粉，就可以維持大半日唔出油。」
質感：唧裝設計好方便，啞色半啫喱狀，估唔到亦很易推開。
效果：幾滋潤幾香，毛孔同乾紋大致都填平了。
遮毛孔指數：★★★★